LPG Price Drop : महिला दिनानिमित्त PM मोदींची मोठी घोषणा, घरगुती गॅस सिलिंडरवर 100 रुपयांची सूट
महिला दिनानिमित्त PM मोदींची मोठी घोषणा, घरगुती गॅस सिलिंडरवर 100 रुपयांची सूट. आंतरराष्ट्रीय महिला दिनानिमित्त पंतप्रधान नरेंद्र मोदी यांनी देशातील माता, भगिनी आणि मुलींना मोठी भेट दिली आहे.
महिलांना घरगुती गॅस सिलिंडरवर 100 रुपयांची सवलत दिली जाईल, अशी घोषणा त्यांनी केली. पीएम मोदींनी ट्विट केले की, ‘आज महिला दिनानिमित्त आम्ही एलपीजी सिलिंडरच्या किमतीत 100 रुपयांची सूट देण्याचा मोठा निर्णय घेतला आहे.
यामुळे महिला शक्तीचे जीवन तर सुसह्य होईलच शिवाय करोडो कुटुंबांचा आर्थिक भारही कमी होईल. हे पाऊल पर्यावरण रक्षणासाठीही उपयुक्त ठरेल, ज्यामुळे संपूर्ण कुटुंबाचे आरोग्य सुधारेल.
ते म्हणाले की एलपीजी अधिक परवडणारी बनवून, आमचे उद्दिष्ट कुटुंबांच्या कल्याणासाठी कार्य करत राहणे आहे. यासह आम्ही निरोगी वातावरण सुनिश्चित करू इच्छितो. हे महिलांचे सक्षमीकरण आणि त्यांचे जीवन सुकर करण्यासाठी आमची बांधिलकी दर्शवते.