Tharal Tar Mag New Twist : स्टार प्रवाहवरील ‘ठरलं तर मग’ ही मालिका प्रेक्षकांमध्ये चांगलीच लोकप्रिय झाली आहे. सायली आणि अर्जुनच्या प्रेमकथेने प्रेक्षकांना गुंतवून ठेवले असले, तरी सध्या त्यांच्या नात्यात दुरावा निर्माण करण्यासाठी मधुभाऊंनी व्हिलनची भूमिका घेतली आहे. दोघे एकमेकांशिवाय राहू शकत नसले, तरी मधुभाऊंमुळे ते एकत्र येण्यासाठी झगडत आहेत. गेल्या भागात अर्जुन सायलीला भेटायला तिच्या घरी गेला होता, मात्र मधुभाऊंनी त्याच्या तोंडावर दरवाजा बंद केला. तरीही अर्जुन ठाम आहे, तो म्हणतो, “मी काहीही करून सायलीला भेटेन.”
याच दरम्यान, मालिकेचा नवीन प्रोमो सोशल मीडियावर शेअर करण्यात आला आहे, ज्याने नेटकऱ्यांचे लक्ष वेधले आहे. मात्र, या प्रोमोवर प्रेक्षकांनी जोरदार प्रतिक्रिया देत मधुभाऊंना आणि मालिकेला चांगलंच ट्रोल केलं आहे.
प्रोमोतील नवीन ट्विस्ट
नवीन प्रोमोमध्ये मधुभाऊ आजारी असल्याचं दाखवलं गेलं आहे. त्यांना ताप असूनही ते डॉक्टरकडे जायला तयार नाहीत. सायली आणि कुसुम त्यांना विनवणी करत असतात, मात्र मधुभाऊ हट्टीपणाने म्हणतात, “मी येणार नाही.” त्यावर कुसुम म्हणते, “तुमचा ताप उतरवायला आता देवालाच बोलवावं लागेल.”
Lakhat ek Maza Dada : झी मराठीच्या या मालिकेवर भडकले प्रेक्षक म्हणाले, आमच्या पोरांनी हे शिकायचं का?
दुसरीकडे, अर्जुनने कुसुमच्या चाळीत मोफत मेडिकल कॅम्प सुरू केला आहे. मोठ्याने घोषणा करत तो लोकांना तपासणीसाठी बोलवत असतो, “फ्री मेडिकल कॅम्प चालू आहे,” असं म्हणत तो सर्वांचे लक्ष वेधतो. त्याचा आवाज ऐकून सायली आणि कुसुम बाहेर येतात. कॅम्पमधील कर्मचारी मधुभाऊंना जबरदस्ती डॉक्टरकडे तपासण्यासाठी घेऊन येतात. यावेळी अर्जुन खोडसाळपणे म्हणतो, “हट्टी पेशंट ज्यांना ताप आलाय, ते फ्री कन्सल्टेशन करू शकतात.”
सायलीला पाहताच अर्जुन मनातल्या मनात म्हणतो, “तुमच्या चेहऱ्यावरची स्माईल बघण्यासाठी मी वाटेल ते करायला तयार आहे.” त्याचा हा प्रयत्न सायलीच्या चेहऱ्यावर आनंद आणतो का, हे प्रेक्षकांना पाहायला मिळेल.
Reshma Shinde Husband : रेश्मा शिंदेचा पती काय करतो? अखेर आल समोर, अभिनेत्रीने केला खुलासा..
नेटकऱ्यांनी केली ट्रोलिंग
मालिकेचा हा प्रोमो समोर येताच सोशल मीडियावर प्रेक्षकांनी कमेंट्स करून संताप व्यक्त केला आहे. एका नेटकऱ्याने लिहिलं, “रीलमध्ये नाचून आजारी पडले कडूभाऊ.” तर दुसऱ्याने म्हटलंय, “आता तरी मधुभाऊंचा राग गेला पाहिजे आणि अर्जुन-सायलीला एकत्र येऊ द्या.” आणखी एका प्रेक्षकाने सुचवलं, “मधुभाऊंना परत जेलमध्ये टाका.” चौथ्या युजरने चक्क थेट लिहिलं, “आवरा आता, कंटाळा आला.”
पुढे काय होणार?
‘ठरलं तर मग’ ही मालिका आता आणखी कोणतं वळण घेणार आणि मधुभाऊंचा हट्टीपणा कधी संपणार, याची प्रेक्षकांना उत्सुकता आहे. अर्जुन आणि सायलीचं प्रेम जेवढं गहिरं आहे, तेवढाच मधुभाऊंचा राग तीव्र आहे. प्रेक्षकांना हे जाणून घ्यायचंय की, या संघर्षाचा शेवट कसा होईल आणि अर्जुन आणि सायलीचं प्रेम कधी एकत्र येईल.
Hruta Durgule : लग्न होऊनही ही अभिनेत्री अभिनेत्याला म्हणतेय ‘तू मला अगोदर का नाही भेटलास!’
आता प्रेक्षकांना फक्त पुढील भागांची वाट पाहायची आहे, जिथे या कथेचा नवीन ट्विस्ट उलगडेल.