Bigg Boss Marathi 5 Update : बिग बॉस मराठीच्या घरात या आठवड्यात खूप घडामोडी घडल्या, ज्यामुळे प्रेक्षकांना प्रचंड मनोरंजन मिळालं. घरातील सदस्यांमध्ये या आठवड्यात प्रचंड कल्ला आणि तणाव पाहायला मिळाला. विशेषत: निक्की आणि अरबाज यांच्या मैत्रीत आलेला दुरावा हे या आठवड्याचं मुख्य आकर्षण ठरलं. या दोघांमध्ये मोठं भांडण झालं, ज्यामुळे घरात तणावाचं वातावरण निर्माण झालं.
घडलं असं की, रितेश भाऊने ‘भाऊंचा धक्का’ टास्कमध्ये टीम एमधील सदस्यांचे काही व्हिडीओ निक्कीला दाखवले. या व्हिडीओंमध्ये काही गोष्टी स्पष्ट झाल्या, ज्यामुळे टीम एमच्या सदस्यांमध्ये फूट पडली. या घटनांमुळे निक्कीने अरबाज, जान्हवी, आणि वैभव यांच्या ग्रुपपासून दूर राहण्याचा निर्णय घेतला. निक्कीला वाटलं की तिच्या मित्रांनी तिच्यावर विश्वासघात केला आहे, आणि यामुळे तिच्या आणि अरबाजच्या मैत्रीत मोठा तणाव निर्माण झाला.
निक्की आणि अरबाज यांच्यात झालेलं भांडण एवढं विकोपाला गेलं की, अरबाजने रागाच्या भरात बिग बॉसच्या घरात तोडफोड केली. घरातील गोष्टींची नासधूस केल्यामुळे बिग बॉसने तात्काळ कारवाई केली आणि अरबाजची कॅप्टन्सीची उमेदवारी काढून घेतली. या घटनेनंतर घरातील इतर सदस्य आणि प्रेक्षकही आश्चर्यचकित झाले.
या आठवड्यात बिग बॉसने बीबी करंन्सीसाठी ‘पाताळलोक’ टास्क दिला होता. या टास्कमध्ये घरातील सदस्यांना जोड्यांमध्ये बांधलं गेलं. टास्कमध्ये निक्की-अभिजीत, आर्या-अरबाज, वैभव-धनंजय, जान्हवी-सूरज, अंकिता-वर्षा, पॅडी-घनश्याम अशा जोड्या बनवण्यात आल्या. या जोड्या एकत्र काम करताना, विशेषत: निक्की आणि अरबाज यांच्यातील तणाव प्रकर्षाने जाणवत होता. घरातील इतर सदस्यांनीही अरबाजला निक्कीपासून दूर करण्याचे प्रयत्न केले. आठवडाभर असे चित्र पाहायला मिळाले की, अरबाज आणि निक्की यांच्यातील मैत्री संपुष्टात आली आहे.
मात्र, आठवड्याच्या शेवटी परिस्थितीत काहीसा बदल झाला. आजच्या भागाचा प्रोमो समोर आला आहे, ज्यामध्ये अरबाजला निक्कीसोबत झालेल्या भांडणाचा त्रास होत असल्याचं दिसत आहे. अरबाज आपल्या भावनांमध्ये गुंतून गेल्याचं आणि त्याच्या मनातली तणावपूर्ण अवस्था प्रेक्षकांना स्पष्टपणे जाणवते. या प्रोमोमध्ये दाखवलं गेलंय की, आर्या आणि अभिजीत यांनी अरबाज आणि निक्कीला एकमेकांसोबत बोलून गैरसमज दूर करण्याचा सल्ला दिला. त्यांच्या सल्ल्यानंतर निक्की आणि अरबाज एकमेकांसोबत संवाद साधतात.
त्यानंतर एक प्रसंग घडतो, ज्यामुळे जान्हवीची नाराजी प्रकट होते. ती अरबाजला टोमणा मारते की, “तुझ्या बहिणीला तू माझ्याशी बोलतो, हे आवडत नाही.” त्यावर निक्की उत्तर देते की, “अडचणी खूप येतील म्हणून मी तुला सांगते की, मैत्रीचा गोड शेवट करु.” पण अरबाज मात्र यावर स्पष्टपणे सांगतो, “मला ते नकोय.” यावरून स्पष्ट होतं की, अरबाज निक्कीसोबतची मैत्री कायम ठेवू इच्छितो.
प्रोमोमध्ये पुढे दाखवण्यात आलं आहे की, रात्री घरातील इतर सर्व सदस्य झोपल्यावर, अरबाज आणि निक्की वॉशरूमजवळील सोफ्यावर बसून एकमेकांशी बोलतात. यावेळी निक्की अरबाजला सांगते की, “तुला जर कुणी व्यक्ती आवडत असेल, तर रागात असताना तू त्यांच्यासाठी शब्द जपून वापर. जो तू खरा आहेस ते दाखव, उगाच राक्षसासारखं नको दाखवूस.” निक्कीच्या या शब्दांमुळे अरबाजला आपल्या वागणुकीची जाणीव होते आणि तो निक्कीची माफी मागतो. त्यानंतर दोघंही एकमेकांना मिठी मारतात, ज्यामुळे त्यांच्यातील वाद संपल्याचं दिसून येतं.
दरम्यान, निक्कीने अरबाजला स्पष्टपणे सांगितलं की, तिला वैभव आणि जान्हवी पटत नाहीत. ती असंही म्हणते की, “आपल्याला घरातील सदस्यांसमोर असं बोलता येणार नाही, कारण तू माझ्याशी बोललेलं त्यांना आवडत नाही.” या कारणांमुळे निक्की आणि अरबाज ठरवतात की, घरात न भांडता एकमेकांशी नीट बोलायचं. आता निक्की आणि अरबाजमधील वाद मिटल्याचं घरातील इतर सदस्यांना कळणार का, आणि त्यांनी यावर काय प्रतिक्रिया देणार, हे पाहणं प्रेक्षकांसाठी औत्सुक्याचं ठरणार आहे.
Bigg Boss Marathi 5 Ritesh Deshmukh : रितेश देशमुख होस्ट म्हणून अगदीच फुसका वाटतो!
प्रेक्षकांनी मोठ्या उत्सुकतेने या दोघांच्या वादाचा शेवट कसा होतो हे पाहिलं आहे, आणि आता त्यांच्यातील वाद मिटल्याने बिग बॉस मराठीच्या घरातील वातावरणात काहीसा बदल होईल अशी अपेक्षा आहे. निक्की आणि अरबाजमधील नातं पुन्हा एकदा पूर्ववत होणार का, याची उत्कंठा प्रेक्षकांमध्ये आहे. बिग बॉस प्रेमींनी याची पुढील भागांमध्ये नक्कीच उत्सुकतेने वाट पाहायला हवं.