Apurva Nemlekar on Bigg Boss Marathi : अभिनेत्री अपूर्वा नेमळेकर सध्या ‘प्रेमाची गोष्ट’ या मालिकेत सावनीच्या भूमिकेतून प्रेक्षकांसमोर येत आहे. याआधी तिने ‘रात्रीस खेळ चाले’ या मालिकेत शेवंता हे पात्र साकारलं होतं, ज्यामुळे तिला खूप प्रसिद्धी मिळाली. त्यानंतर तिने ‘बिग बॉस मराठी ४’ मध्ये भाग घेतला होता. जरी ती या सीझनची विजेती ठरली नसली, तरीही ती शोमध्ये खूप लक्षात राहिली.
सध्या अपूर्वा पुन्हा चर्चेत आली आहे, पण यावेळी ‘बिग बॉस मराठी ५’ मुळे. या सीझनमध्ये निक्की तांबोळी, वर्षा उसगांवकर, जान्हवी किल्लेकर, अंकिता प्रभू वालावलकर, अरबाज पटेल, वैभव चव्हाण, सूरज चव्हाण, आणि अभिजीत सावंत या स्पर्धकांची खूप चर्चा होत आहे. काहींना सकारात्मक प्रतिक्रिया मिळत आहेत, तर काहींवर टीका होत आहे. या नवीन स्पर्धकांबद्दल ‘बिग बॉस’च्या आधीच्या सीझनमधील स्पर्धकही आपली मतं मांडत आहेत. त्यांनी सोशल मीडियावर व्हिडिओ, पोस्ट्स आणि इन्स्टाग्राम स्टोरीज शेअर करून त्यांच्या मतांचा उल्लेख केला आहे.
अपूर्वानेही या संदर्भात एक इन्स्टाग्राम स्टोरी शेअर केली आहे. तिने तिच्या स्टोरीत म्हटलं आहे की, “स्वतःच्या सीझनमध्ये गप्प बसलेले काही स्पर्धक आता सोशल मीडियावर अ‍ॅक्टिव्ह झाले आहेत. तिकडे चावडीच्या वेळेस घाबरलेले असायचे आणि आता मात्र स्टोरीवर स्टोरी टाकत आहेत. बिग बॉसमध्ये असताना जे फेम मिळवता आलं नाही, ते आता मिळवण्याचा प्रयत्न करतात.”
तिने पुढे लिहिलं, “हे अगदी तसंच आहे जसं नापास झालेल्या लोकांनी यूपीएससी परीक्षा दिलेल्यांना टिप्स देण्यासारखं आहे. पण बिग बॉस हा असा शो आहे, जिथे तुम्ही त्याच्यावर कितीही टीका केली तरी तो तुम्हाला प्रसिद्ध करतोच.” तिने या पोस्टचा शेवट हार्ट इमोजीने केला आहे.
Bigg Boss Update : आई कुठे काय करते मधील ही अभिनेत्री जाणार बिग बॉस मध्ये!
अपूर्वाने नेमकं कोणत्या स्पर्धकांविषयी बोललं हे स्पष्ट नाही, पण ती ‘बिग बॉस मराठी ४’ मध्ये स्पर्धक होती, आणि त्या सीझनमध्ये अभिनेता अक्षय केळकरने विजेतेपद मिळवलं होतं.