Hruta Durgule : हृता दुर्गुळे ही मराठीसह हिंदी सिनेसृष्टीतील एक अशी अभिनेत्री आहे, जिला आपल्या सहजसुंदर अभिनयासाठी प्रेक्षकांचे भरभरून प्रेम मिळालं आहे. तिचा सोज्वळ आणि मनमोहक अंदाज नेहमीच प्रेक्षकांना खूप भावला आहे. हृताने तिच्या अभिनय कारकिर्दीत एकाहून एक दमदार भूमिका साकारत प्रेक्षकांच्या मनावर राज्य केलं आहे. कधी दुर्वा, कधी वैदेही, तर कधी दीपू बनून तिने प्रेक्षकांच्या मनात स्वतःचं स्थान निर्माण केलं.
हृताचा सिनेसृष्टीतील प्रवास
छोट्या पडद्यावर आपल्या अभिनयाचा ठसा उमटवल्यानंतर हृताने मोठ्या पडद्यावर आपली झलक दाखवण्याचा निर्णय घेतला. तिने आपल्या फिल्मी करिअरची सुरुवात ‘अनन्या’ या मराठी चित्रपटातून केली. या चित्रपटात तिच्या अभिनयाला भरपूर दाद मिळाली. यानंतर ती ‘टाइमपास ३’ आणि ‘कन्नी’ सारख्या चित्रपटांत दिसली. तिच्या साधेपणातही एक खास आकर्षण होतं, जे प्रेक्षकांना खूप भावलं.
Aai Kuthe kay Karte : या अभिनेत्याने आपल्या रियल बायकोसोबत केल रील बायकोचं केळवण!
सिनेमासोबतच रंगभूमीवरही हृताने आपलं नशीब आजमावलं. तिचं ‘दादा, एक गुडन्यूज आहे’ हे नाटक खूप गाजलं. प्रेक्षकांनी या नाटकाला भरभरून प्रतिसाद दिला. मालिकांपासून रंगभूमीपर्यंत, आणि चित्रपटांपासून वेब सीरिजपर्यंत हृताने तिच्या अभिनय प्रवासात सर्वच माध्यमांमध्ये स्वतःचा ठसा उमटवला आहे.
वेब सीरिजमधील पदार्पण
चित्रपट आणि रंगभूमीवर यशस्वी कारकिर्दीनंतर हृताने वेब सीरिजच्या दुनियेत पाऊल ठेवलं. ‘कमांडर करण सक्सेना’ या वेब सीरिजमध्ये तिने दमदार भूमिका साकारली. तिच्या अभिनयाने या सीरिजलाही एक वेगळं स्थान मिळवलं, आणि हृताच्या कामाची खूप प्रशंसा झाली.
सोशल मीडियावर चर्चेत असलेली पोस्ट
आता हृता दुर्गुळे पुन्हा एकदा चर्चेत आली आहे, ते तिच्या एका खास सोशल मीडिया पोस्टमुळे. हृताने तिच्या चाहत्यांसोबत एक रोमँटिक फोटो शेअर करत एक गूढ संदेश दिला आहे. त्या फोटोमध्ये ती एका लोकप्रिय मराठी अभिनेत्यासोबत दिसली आहे. हृताने पोस्टसोबत लिहिलं,
“ती – तू मला आधी का नाही भेटलास?
तो – तुझी वाट बघण्यात वेळ गेला…
वेड लागणार नसेल तर प्रेम करण्यात काही गंमत नाही…”
तिने यासोबत पुढे लिहिलं,
“घेऊन येतोय त्याची आणि तिची क्रेझी लव्हस्टोरी. फिल्मिंग सुरू आहे. तुमच्या आणि आमच्या इच्छेप्रमाणे आम्ही दोघांनी एकत्र काम केलं. लवकरच भेटूया चित्रपटगृहात!”
Ankita Walavalkar : कोकण हर्टेड अंकिताच पुष्पा 2 चित्रपटाबद्दल वादग्रस्त वक्तव्य! अंकिता म्हणाली…
ललित प्रभाकरसोबत नव्या चित्रपटाची चर्चा
हृताने पोस्टमध्ये ज्या अभिनेत्यासोबत फोटो शेअर केला आहे, तो दुसरा-तिसरा कोणी नसून मराठी चित्रपटसृष्टीतील प्रिय अभिनेता ललित प्रभाकर आहे. हृता आणि ललित या दोघांच्या रोमँटिक फोटोंमुळे चाहत्यांमध्ये आनंदाचं वातावरण पसरलं आहे. या पोस्टने हे स्पष्ट केलं की लवकरच हृता आणि ललित यांचा नवा चित्रपट प्रेक्षकांच्या भेटीला येणार आहे.
नव्या लव्हस्टोरीसाठी उत्सुकता
हृताने पोस्टमधून थोडकंच सांगितलं, पण चाहत्यांमध्ये खूप उत्सुकता निर्माण झाली आहे. या चित्रपटाचं नाव काय असणार? या चित्रपटात अजून कोणते कलाकार असतील? चित्रपटाची कथा कशी असेल? या सगळ्या गोष्टी अजून गुलदस्त्यात आहेत. मात्र, इतकं नक्की की प्रेक्षकांना एक नवीन आणि खास लव्हस्टोरी लवकरच पाहायला मिळणार आहे.
चाहत्यांची प्रतिक्रिया
हृताच्या पोस्टनंतर तिचे चाहते खूपच उत्साहित झाले आहेत. अनेकांनी कमेंट करून तिच्या नव्या चित्रपटासाठी शुभेच्छा दिल्या आहेत. ललित प्रभाकर आणि हृता दुर्गुळे या जोडीला मोठ्या पडद्यावर पाहण्याची चाहत्यांना खूप उत्सुकता आहे.
हृता दुर्गुळेने तिच्या सहजसुंदर अभिनयाने आणि साधेपणाने प्रेक्षकांच्या मनात जी जागा निर्माण केली आहे, ती कायमच राहील. आता तिचा हा नवा चित्रपट कसा असेल, याची वाट प्रेक्षक आतुरतेने पाहत आहेत.