भारतीय चित्रपटसृष्टीतील एक खरा सुपरस्टार म्हणून अनिल कपूर यांना ओळखलं जातं. नुकतंच त्यांच्या चित्रपट कारकिर्दीतील ४० वर्ष त्यांनी साजरी केली या बद्दल त्यांनी सोशल मीडिया वर एक खास पोस्ट लिहिली आहे. ऑन-स्क्रीन अभिनय करून ज्यांनी विविध भूमिका मधून प्रेक्षकांची कायम मन जिंकून घेतली अश्या अनिल कपूर यांच्या अतुलनीय प्रवासाची ही ४० वर्ष आहेत. प्रत्येक भूमिका अगदी लीलया पार पाडत त्यांनी प्रेक्षकांच गेली ४० वर्ष नॉन स्टॉप मनोरंजन केलं. अष्टपैलुत्व व्यक्तिमत्व असलेल्या या ज्येष्ठ अभिनेत्याने आपल्या अतुलनीय कामगिरीने प्रेक्षकांना भुरळ घालत 40 वर्षे पूर्ण केली.
नॉस्टॅल्जिक होऊन अभिनेता अनिल कपूरने त्याच्या पहिल्या हिंदी चित्रपट ” वो सात दिन ” मधील खास क्लिपची एक झलक इंस्टाग्राम रील मध्ये शेअर केली ज्यात त्यांनी मनापासून कृतज्ञता व्यक्त करत प्रेक्षकांचे आभार मानले. आपल्या जबरदस्त भावना व्यक्त करताना अनिल यांनी लिहिले ” आज मी एक अभिनेता आणि एक मनोरंजनकर्ता म्हणून 40 वर्षे पूर्ण करत आहे. 40 वर्षे तुम्हा प्रेक्षकांनी मला स्विकारला , प्रेम दिलं ! मी जिथे आहे तेच मला करायचे आहे आणि हेच कायम करत राहायचं आहे ”
अनिल कपूरने त्यांचे दिवंगत गुरू बापू साब तसेच त्यांचे बंधू बोनी कपूर आणि त्यांचे वडील सुरिंदर कपूर यांनी त्यांच्या आयुष्यात बजावलेल्या महत्त्वपूर्ण भूमिके बद्दल लिहिलं. ज्यांनी त्यांच्या प्रतिभेवर विश्वास ठेवला आणि वो सात दिनमध्ये त्यांना पहिली संधी दिली. अभिनेत्याने दिग्गज नसीरुद्दीन शाह आणि मोहक पद्मिनी कोल्हापुरे यांचे मनापासून आभार मानून कृतज्ञता व्यक्त केली. अनिल यांच्या स्टारडम मागे असलेल्या सगळ्यांचे मनापासून आभार अनिल यांनी मानले.
अनिल कपूरचा अतुलनीय प्रवास चार दशकांचा आहे आणि अभिनयाचा हा सिलसिला अजूनही अखंडितपणे सुरू आहे. यामध्ये 100 हून अधिक चित्रपट आहेत. त्यांचा करिष्मा आणि अमर्याद अभिनय कौशल्याने त्यांनी जगभरातील प्रेक्षकांना भुरळ घातली आहे. अनिल यांच्या 40 वर्षांचा प्रवास साजरा करत असताना ते आगामी ” द नाईट मॅनेजर पार्ट 2 ” ” अॅनिमल ” या प्रोजेक्ट मध्ये
दिसणार आहेत.
