Tharal Tar Mag : ‘ठरलं तर मग’ या लोकप्रिय मराठी मालिकेतल्या प्रत्येक पात्राने प्रेक्षकांच्या मनात वेगळीच जागा निर्माण केली आहे. या मालिकेतील पूर्णा आजीची भूमिका साकारणाऱ्या ज्योती चांदेकर यांनी काही दिवसांपूर्वी नवीन गाडी खरेदी करत ही आनंदाची बातमी आपल्या चाहत्यांसोबत शेअर केली होती. चाहत्यांमध्ये या बातमीचा उत्साह संपतोय, तोच मालिकेतील आणखी एक अभिनेत्री, मोनिका दबडे, ने सर्वांना आणखी एक गोड बातमी दिली आहे.
मोनिका दबडे ही ‘ठरलं तर मग’ मालिकेत अर्जुनची बहीण अस्मिता या नकारात्मक पात्राची भूमिका साकारते. अस्मिता ही व्यक्तिरेखा नकारात्मक असली तरीही प्रेक्षकांच्या मनात एक विशेष स्थान निर्माण करण्यात ती यशस्वी ठरली आहे. अस्मिताशिवाय सुभेदारांचं घर अपूर्ण वाटतं, असं कित्येक प्रेक्षक मानतात. आता मोनिका खऱ्या आयुष्यात एका नव्या प्रवासाला सुरुवात करणार आहे—ती लवकरच आई होणार आहे.
मोनिका दबडे आणि तिचा पती चिन्मय कुलकर्णी यांनी हा गोड आनंद आपल्या चाहत्यांसोबत शेअर केला आहे. त्यांनी एक खास फोटोशूट केलं आहे, ज्यामध्ये दोघेही हातात लहान बाळाचे शूज धरून उभे आहेत. या फोटोसह मोनिकाने सांगितलं की, एप्रिल २०२५ मध्ये ते आपल्या बाळाचं स्वागत करणार आहेत. ही बातमी शेअर करताच सोशल मीडियावर चाहत्यांनी, तिच्या सहकलाकारांनी, आणि मनोरंजनविश्वातील व्यक्तींनी तिला आणि चिन्मयला शुभेच्छांचा वर्षाव केला आहे.
मोनिका दबडे सोशल मीडियावर खूप सक्रिय असते. ती अनेकदा आपल्या चाहत्यांसोबत आपल्या आयुष्यातील खास क्षण शेअर करत असते. युट्यूबवर ती नियमित व्लॉग्स देखील पोस्ट करते, त्यामुळे तिच्या आयुष्यातील या नव्या प्रवासाच्या बातमीने तिच्या फॉलोअर्समध्ये मोठा उत्साह आहे.
मोनिका आणि चिन्मय यांच्या लग्नाला यावर्षी ९ वर्षे पूर्ण झाली आहेत. फेब्रुवारी महिन्यात त्यांनी आपल्या लग्नाचा नववा वाढदिवस मोठ्या उत्साहात साजरा केला होता. या सेलिब्रेशनचा व्हिडिओ मोनिकाने आपल्या युट्यूब चॅनेलवर शेअर केला होता, ज्यामुळे तिच्या चाहत्यांनी त्यातही आनंदाने सहभाग घेतला होता.
Priya Bapat : प्रिया बापट ला मूल का नाही? प्रिया यावर स्पष्टच बोलली..ट्रोलर्स ला केलं शांत
मोनिका आई होणार असल्याची बातमी समजताच तिच्या सहकलाकारांनी आणि मित्रमंडळींनी तिला सोशल मीडियावर भरभरून शुभेच्छा दिल्या आहेत. जुई गडकरी, ज्ञानदा रामतीर्थकर, अपूर्वा नेमळेकर, रेश्मा शिंदे, समृद्धी केळकर, अक्षया नाईक, अश्विनी कासार अशा अनेक अभिनेत्रींच्या शुभेच्छा तिला मिळाल्या आहेत.